Please enable / Bitte aktiviere JavaScript!
Veuillez activer / Por favor activa el Javascript! [ ? ]

اخر الاخبار

15 صفة لو وجدتها في فتاة .. تجوزها


– لو هي أول حد تفكّر تكلّمه، لما تبقى مخنوق، أو مبسوط، اتجوّزها.

 – لو أول حاجة بتعملها لما تصحى من النوم، وآخر حاجة بتعملها قبل ما تنام، تبصّ على بروفايلها، عشان تعرف “مُودها”، اتجوّزها.


 – لو شفتها من غير ماكياج، وهي تعبانة، ومتعصبة، ومتخانقة مع صاحبتها الأنتيم، وقاتلة اتنين من إخواتها، ولسه حاسس بالأمان على نفسك معاها، اتجوّزها.

 – لو اعتذرت لها كذا مرة عن ميعادكم، عشان جالك شغل مفاجئ، أو هري من بتاع الولاد ده، وما سرّحتش وراك قاتل محترف، اتجوّزها.

 – لو بتلفت انتباهك للبنات الحلويين وإنتو ماشيين مع بعض في الشارع، وما بترفعش عليك سلاح أبيض لو أبديت إعجابك بواحدة غيرها، اتجوّزها.

 – لو بتشحن كارت بـ١٠٠ جنيه عشان تكلّمها، من غير أي تأنيب ضمير، اتجوّزها.

 – لو بتحكي لها عملت إيه مع صحابك الولاد، وسهرتوا فين، وشربتوا إيه، من غير ما تقلب لك على الشيخ الشعراوي، اتجوّزها. 

 – لو بتحبّك قد ما بتحب الشوبنج، اتجوّزها.

 – لو مهتمة بنفسها، عشان بتحب نفسها، مش عشان تنال رضاك، باعتبارك آخر ذكر في سلسلة التطور الإنساني، اتجوّزها.

 – لو متقبّلاك بعيوبك وعقدك وقرفك واختلالك النفسي، ومش متخيّلة إنك هتقلب ليوناردو دي كابريو بعد الجواز، اتجوّزها.

 – لو بتاكل قدامك عادي، وتوقّع على هدومها، وتلحس صوابعها، ولما تجيلها زغطة ما بتكتمهاش، اتجوّزها.

 – لو بتقولك هروح الحمّام، أو حتى التويلت، وما بتقولش ladies room، اتجوّزها.

 – لو ممعاكش فلوس تخرجوا، وخدتها على كوبري قصر النيل تضربوا حلبسّة، وتراقبوا أسراب القريدس وهي بتدافع عن صغارها ضد هجمات السلطعون المفترس، وما كتبتش على فيس بوك feeling depressed، اتجوّزها. – لو ما بتعلّقش بصور في كومنتات فيس بوك، اتجوّزها.

 – لو قدرت تستوعب إنك كراجل، عمر ديلك ما هيتعدل، إلا بنسبة معينة، وعشان خاطرها بس، اتجوّزها. لو…



ويب نايت تصميم اسامة عبد الرضاجميع الحقوق محفوظة 2015-2016

صور النموذج بواسطة ويب نايت | الافضل لكم. تدعمه Blogger.