موقع شبابى تهتم بالاخبار المصرية والصحية والرياضية -الوظائف -الكورسات و ماهو جديد فى عالم التكنولجيا
أهم اخبار مصر اهم اخبار الرياضة والاقتصاد والحوادث
يعنى إيه خليك شجاع وأبدأ !!! الأول أنت عارف يعنى إيه شجاعة ؟؟
الشجاعة إنك تواجه كل المشاكل اللى بتحصلك فى حياتك وأنت واثق إنك قادر على حلها وهتعديها بأذن الله ومش كدة وبس المشكلة دى هتغير فيك حاجات كتير أوى وهتتعلم منها.
نرجع لكلامنا خليك شجاع وأبدأ ,,, أنت عارف لما الصاروخ بيغادر الأرض بيفقد معظم الوقود بتاعه قبل ما يطلع الفضاء ,, عايز أقولك خلى بالك كويس أووى من البداية ,, لما تيجى تبدأ مشروع جديد ,, لما تيجى تقرأ كتاب جديد ,, وأنت بتتعلم لغة جديدة ,, البداية سهلة لكن الأصعب إنك تكمل بنفس الحماس اللى كنت عليه وأنت فى بدايتك ,,البداية بسيطة وسهلة ,, لكنها فى غاية الأهمية ,, ركز دائما على الهدف الكبير والغاية التى تريد أن، تصل إليها ,, لابد من وجود هدف يقظ لديك ,, يعنى إيه هدف يقظ !! يعنى كل لما همتك وعزيمتك تقل ,,وأنت فى طريقك لتحقيق هدفك ,,تلاقى المنبه بيقولك قوم وكمل الطريق وأوعى تفقد عزيمتك وحماسك ,, هتوصل بأذن الله هتتعب كتيير
,, أيوة لكن لما توصل لهدفك الكبير هتنسى كل ألمك ,, لما تتعب أوى فى المذاكرة ,, وتواصل الليل بالنهار ,, لما تبدأ تتعلم لغة جديدة أو أى كورس هيفيدك فى حياتك وشغلك ,, لما تخلص كل ده وتلاقى نتيجة تعبك فى النهاية نجحت فى الإمتحان ,, إتعلمت لغة جديدة فادتك فى شغل أفضل فى الوقت ده هتلمس لذة النجاح بعد طول الألم والتعب فى الوصول إليه ,, خليك شجاع وأبدأ وغير حياتك ,, وأوعى تستنى لما صاحبك يتغير ويتعامل معاك كويس ,, لما مديرك فى الشغل يغير معاملته معاك ,, خليك شجاع وأبدا بنفسك ,, التغير يبدأ من جواك أنت ,, وبيطلع يغير كل حاجة حواليك ,,, خليك أنت القدوة ,, كن مسؤلا عن تصرفاتك متحكم فى شعورك وإنفعالاتك ,,
(لا يمكن حل المشكلات الكبيرة التى تواجهنا ونحن على نفس ذات مستوى التفكير الذى كنا عليه عندما صنعنا هذه المشكلات ,, ) ألبرت أينشتاين ,,,,
سمعت قبل كدة عن معادلة النتائج الحياتية ؟؟؟
(موقف + رد فعل = نتيجة )
يعنى إيه لما تتعرض لمواقف فى حياتك ,,كيف يكون رد فعلك اتجاه هذا الموقف فى الأخر هتطلع النتيجة بنااء على رد فعلك وتصرفك ,, لما تتعرض لموقف فى حياتك رد فعلك بيكون إيه ؟؟ هل سلبى بتحمل كل الأخطاء على غيرك , وتبرر أخطائك ,, ولا بتعلق على حال البلد والهموم والمشاكل , هذا هو حال الشخص الفاشل السلبى ,, أما الشخص الناجح الإيجابى يأخذ على عاتقه المسؤلية ولا يلقى اللوم على أحد ,, مبادر ينظر فقط للحلول التى تقوده إلى النجاح ,, وتخطى كل هذه العقبات والمشاكل ولا يقف مكانه مستسلم للظروف وما يحدث حوله.
وأنتظروا باقى المقالة فى مجال التنمية البشرية أسأل الله أن ينفعكم بها ,,,
كاتب المقال / أحمد قمر
أى استفسار أو أسئلة على الأيميل الخاص بى .. trahmed_kamar@yahoo.com
أضف تعليق